Nora – Elena Ledda, testo in sardo

RedazioneTesti

, , 2018

Aberendi est is fentanas
amirendi est is banderas
e cun fragus e friscura
sùlat àtaras isperas

Arramada est dònnia arruga
de ispicu, ammenta e froris
e de genti e de coloris
arribbendi est un'arriu

Nora, nì umbra e nì axìus
in is ogus sentìus
ma gana ‘e istimai
Nora, cun totu is cadenas
de pedras e de prata
pronta est po andai

Luxint is seddas pintadas
de arrùbiu, asulu e arangiu
e arricendi dònnia strangiu
is lumeras apicadas

E cun glòrias, fumu e fogu
cara a is gennas de su celu
s'amestùrat fidi e giogu
su chi est crètiu, su chi est beru

Nora est movendi is cambas
sedas in is ancas
pòrtat po baddai
Nora, in sa cara unu bisu
vidas noas atesu
chi no at bìviu mai
e arriendi pìgat a girai e girai
chen''e si podi firmai
e arriendi in tundu sighit a girai
chen''e gana ‘e si depi firmai.

In sa pratza is sonadoris
cun is didus fendi tramas
sonus, baddus e cantzonis
alluendi atras fiamas

Stringit beni cussa manu
sa mirada aintr''e sa sua
de campuras in beranu
e is disigius a sa fua

Nora est movendi is cambas
sedas in is ancas
pòrtat po baddai
Nora, in sa cara unu bisu
vidas noas atesu
chi no at bìviu mai